बुटवल–२, – फूलबारी बचत तथा ऋण सहकारी संस्था लि. ले आफ्नो १८ औं स्थापना दिवसको अवसरमा बुटवल–२ स्थित उजिर सिंह माध्यमिक विद्यालय का मन्टेश्वरी तहका विद्यार्थीहरूलाई शैक्षिक सामग्री वितरण गरेको छ।

कार्यक्रम फूलबारी साकोसका अध्यक्ष श्री चन्द्रमणी भण्डारी को अध्यक्षतामा सम्पन्न भयो। प्रमुख अतिथि, विद्यालयका सहायक प्रधानाध्यापक श्री प्रेम कुमार श्रेष्ठ ले कार्यक्रम उद्घाटन गर्दै संस्थाले गरेको सहयोगका लागि धन्यवाद व्यक्त गर्नुभयो। उहाँले भन्नुभयो, “यस्तो पहलले विद्यार्थीहरूलाई पढाइप्रति उत्साहित बनाउँछ र उनीहरूको भविष्य निर्माणमा महत्वपूर्ण भूमिका खेल्छ।”

त्यसै अवसरमा विद्यालयका सहायक प्रधानाध्यापक श्री बसुन्धारा भुसाल र शिक्षक श्री जीवन गैरे ले संस्थाको योगदानको सराहना गर्दै विद्यार्थी र शिक्षक समुदायको तर्फबाट आभार प्रकट गर्नुभयो। उहाँहरूले उल्लेख गर्नुभयो, “सहकारी संस्थाले शिक्षा क्षेत्रमा गरेको यस प्रकारको सहयोगले विद्यार्थीहरूको क्षमता विकासमा ठूलो योगदान पुर्‍याउँछ। यस्तो पहलले विद्यालय र समुदायबीच सकारात्मक सम्बन्ध विकास गर्न पनि सहयोग पुर्‍याउँछ।”

कार्यक्रम सञ्चालन फूलबारी साकोसका सचिव श्री रोशन पाण्डे ले गर्नुभएको थियो। विद्यार्थीहरूले हस्तान्तरण गरिएको शैक्षिक सामग्री पाउँदा खुशी व्यक्त गरे र यसले उनीहरूको सिकाइ अनुभव अझ समृद्ध बनाउने विश्वास व्यक्त गरे।

फूलबारी साकोसले हरेक वर्ष स्थापना दिवसको अवसरमा सामाजिक तथा शैक्षिक क्षेत्रमा योगदान पुर्‍याउने परम्परा कायम गर्दै आएको छ। यस वर्षको शैक्षिक सामग्री वितरण कार्यक्रमले विद्यार्थीहरूको अध्ययन वातावरण सुधार्न र पढाइप्रतिको प्रेरणा बढाउन महत्वपूर्ण भूमिका खेल्ने अपेक्षा गरिएको छ। सहकारी संस्थाका व्यवस्थाक श्री नारायण भुसाल का अनुसार, आगामी दिनहरूमा यस्ता कार्यक्रमहरू नियमित रूपमा आयोजना गरिनेछ, जसले विद्यार्थीहरूको समग्र विकासमा योगदान पुग्ने र समुदायसँगको सम्बन्ध अझ मजबुत बनाउनेछ।