रुपन्देही । नेपाली कांग्रेसको लुम्बिनी प्रदेशस्तरीय निर्वाचन समीक्षा कार्यक्रम दाङमा सुरू भएको छ ।

पार्टी सभापति गगन थापा, उपसभापति विश्वप्रकाश शर्मा, पुष्पा भुसाल, महामन्त्री प्रदीप पौडेल,सहमहामन्त्री योगेन्द्र चौधरी डिला संग्रौलासहितका नेताहरू दाङ पुगेका छन् ।

कार्यक्रममा लुम्बिनीबाट प्रतिनिधित्व गर्ने केन्द्रीय सदस्य, प्रदेश कार्यसमिति सबै, १२ जिल्लाका सभापति, पार्टीबाट निर्वाचित प्रदेशसभा सदस्य र स्थानीय तहका प्रमुख उपप्रमुखलगायत छन् ।

भालुवाङको होटल पौवामा आयोजित कार्यक्रममा निर्वाचन समीक्षासँगै ‘अबको कांग्रेस’ विषयक अन्तरसंवाद गरिने प्रदेश सभापति अमरसिंह पुनले बताए

नेपाली कांग्रेसले फागुन २१ गतेको निर्वाचनमा पार्टीभित्रकै उम्मेदारलाई अन्तरघात गरेको भन्दै कपिलवस्तु, पाल्पा, नवलपरासीलगायतका जिल्लामा दर्जनौं नेताहरूलाई कारबाही गरेको छ

उम्मेदवारहरूले कांग्रेसले फागुन २१ गतेको निर्वाचनमा पराजय भोग्नुका कारण आन्तरिक तथा बाह्य दुवै रहेको औंल्याएका छन् । चुनावमा अन्तरघात गर्नेहरूमाथि कारबाही गर्न कडा मागसमेत गरेका छन् ।