बुटवल

लुम्बिनी स्वतन्त्र सिलाई व्यवसायी संघ रुपन्देहीले बुटवलकोे नयाँ बसपार्कमा निःशुल्क माक्स वितरण गरेको छ ।
विश्व व्यापी फैलिरहेको कोरोना भाइरस नियन्त्रणका लागि सचेतना तथा निःशुल्क  माक्स वितरण कार्यक्रम अन्र्तगत १ हजार पीस माक्स वितरण गरिएको छ ।

संघका अध्यक्ष प्रताप परियारको अध्यक्षतामा भएको कार्यक्रममा प्रमुख अथिति संविधान सभा सदस्य तथा  राष्ट्रिय दलित पत्रकार संघका केन्द्रीय अध्यक्ष विनोद पहाडी रहेका थिए । कार्यक्रममा बोल्दै पहाडीले अन्य देशमा कोरोना संक्रमणले थलापारेको अबस्थामा नेपालमा कोरोना भाइरसको जति हल्ला भएपनि स्वास्थ्य क्षेत्रमा १ जना व्यक्तिमा समेत संक्रमित नभएकोले त्यति आत्तीनु नपर्ने र सबै नागरिक आफ्नो ठाउँमा सजगता अपनाउनु पर्ने बताए ।

अध्यक्ष प्रताप परियारले बोल्दै स्वतन्त्र सिलाई व्यवसायीले आफ्नो कला अनुसार आफै कपडाको माक्स बनाएर केही भएपनि नियन्त्रण रहोस भन्ने उद्येश्यले संघले निःशुल्क माक्स वितरण गरेको बताए ।

 त्यस्तै संघले १ हप्ताभित्र तिलोत्तमा, सैनामैना, देवदह नगरपालिका लगायतका क्षेत्रमा ५ हजार माक्स वितरण गर्ने योजना रहेको कार्यसमिति सदस्य राजु छिनालले बताए । कार्यक्रममा बरिष्ठ उपाध्यक्ष सम्भु राई,सह–सचिव रविन रायमाझीलगायतको उपस्थित रहेको थियो । कार्यक्रमको सञ्चालन संघका सचिव कमल छिनालले गरेका थिए ।