कपिलवस्तु

सरकारले दक्षिणी सीमा क्षेत्रमा अलपत्र परेका नेपाली नागरिकलाई अन्तिम पटकका लागि नेपाल प्रवेश गर्न दिने निर्णय गरेसंगै कपिलवस्तुस्थित सिमावर्ती नाकामा अलपत्र परेका नेपाली नागरिकले खुसीको मशसुस गरेका छन ।
सरकारले सोमबारदेखि सिमा नाकामा रोक लगाए पछि जिल्लाका कृष्णनगर, मर्यादपुर, चाकडचौडा लगायतका नाकामा हजारौं नेपाली नागरिक नेपाल प्रवेश गर्न नपाउँदा अलपत्र परेका थिए । केन्द्र सरकारले आज अन्तिम पटकका लागि नेपाल प्रवेश गर्न अनुमति दिएपछि अलपत्र नेपाली खुसी भएका हुन ।
सरकारले दक्षिणी सीमामा अलपत्र परेका नेपालीलाई परिचय पत्रका आधारमा नेपाल प्रवेश गर्न दिने भएको हो । सीमाबाट नेपाल प्रवेश गरेसँगै उनीहरुलाई १४ दिन क्वारेन्टाइनमा राखिने छ ।
कपिलवस्तुका प्रमुख जिल्ला अधिकारी दिर्घ नारायण पौडेलले सिमामा अलपत्र परेका नेपाली नागरिकलाई नेपाल प्रवेश गराइसकेको मायादेवीलाई जानकारी दिनुभयो । कृष्णनगरमा अलपत्र परेका २७ जना नेपालीलाई आज नेपाल छिर्न दिएको उहाँले बताउनुभयो । नेपाल छिराइएका यी नागरिकलाई कृष्णनगरस्थित महेन्द्र माविमा तयार पारिएको क्वारेनटाइनमा राखिएको उहाँले जानकारी दिनुभयो ।
अझै सिमामा अलपत्र परेका नेपाली नागरिक के कति छन बुज्ने काम भैरहेको र कुनै नेपाली नागरिक भएको थाहा भए नेपाल प्रवेश गराइने पनि उहाँले बताउनुभएको छ । बुधबार देखि कुनै पनि नेपाली नागरिकलाई नेपाल प्रवेश गर्न नदिने भन्दै कोही अपलपत्र परेको भए प्रशासनलाई जानकारी दिन उहाँले आग्रह गर्नुभएको छ ।