रुपन्देही  –कोरोना सङक्रमित युवतीसँगै नेपाल आएका रुपन्देहीका तीनमध्ये दुई जना सम्पर्कमा आएका छन् । चैत ४ गते नेपाल आएका उनीहरुको अवस्था अहिले सामान्य रहे पनि क्वारेण्टीनमा राख्ने व्यवस्था मिलाइएको रुपन्देही प्रहरीले जनाएको छ । अर्का एक जनाको खोजी भइरहेको छ ।

यस्तै भारतबाट नेपाल आएका २९ जनालाई रुपन्देहीमा क्वारेण्टीनमा राखिएको छ । जिल्ला प्रहरी कार्यालय रुपन्देहीका अनुसार शंकरनगरस्थित शारदा माविमा १० जना, शुद्धोधन गाउँपालिकामा रहेको यज्ञोदय उच्च माविमा ११ जना र अमवामा रहेको जनता माध्यमिक विद्यालमा ८ जनालाई क्वारेन्टाइनमा राखिएको हो ।

भारतका विभिन्न ठाउँबाट रुपन्देहीको बेलहिया नाकामा आएर रोकिएका ७ महिलासहित २९ जनालाई नेपाल ल्याई १४ दिने क्वारेण्टीनमा राखिएको हो । भारतमा पनि लकडाउन भएपछि उनीहरु सीमा नाकामा अलपत्र परेका थिए ।