भैरहवा

विश्वव्यापी रुपमा फैलिएको कोरोना भाइरस को संक्रमणको रोकथामको लागि सरकारले लकडाउनको घोषणा गरेपछि त्यसको प्रत्यक्ष मारमा विपन्न नागरिक परेका छन् । त्यस्तै अहिले सबै ठाउँका होटलहरु बन्द हुँदा अस्पतालमा उपचार गराइरहेका विरामी र विरामी कुरुवा पनि प्रभावित भएका छन् । लकडाउनका कारण घरबाट खाना अस्पतालसम्म पु¥याउन पनि समस्या छ । यही अवस्थालाई मध्यनजर गर्दै भैरहवा मा रहेको सिरसिरे युवा क्लब किशोरपुर ले भैरहवास्थित युनिभर्सल कलेज अफ मेडिकल साइन्सेज परिसर मा गरीब, विपन्न परिवार, उपचार रत बिरामी, बिरामी का कुरुवा र अग्र पंक्तिमा खटिएका स्वास्थ्यकर्मी, सुरक्षाकर्मी तथा सञ्चारकर्मीलाई निःशुल्क शाकाहारी खाना खुवाएको क्लब का अध्यक्ष अनिल गुरुङ्ग ले जानकारी दिनु भयो ।

क्लब ले त्यहा उपचार मा रहेका बिरामी, बिरामी का कुरुवा , स्वास्थ्यकर्मी, सुरक्षा कर्मी लगायत ५ सय जना लाई खाना खुवाएको गुरुङ्गले बताउनु भयो । सो अवसर मा युनिभर्सल कलेज अफ मेडिकल साइन्सेज का जनसम्पर्क अधिकृत शुसिल गुरुङ्ग,दुर्गा मन्दीर गाउ समाज किशोर पुर का अध्यक्ष पुरण सिह राना, सक्षम सहारा का अध्यक्ष शान्ता कंडेल,नन्दा थापा, रविना भण्डारी, पास्टर रण बहादुर गुरुङ्ग, क्लब का सचिव संन्जु थापा लगायत को सहभागिता रहेको थियो ।

विभिन्न सहयोगी हात हरु ले गर्दा निःशुल्क खाना खुवाउने कार्यक्रमलाई लकडाउनको अवधिमा निरन्तरता दिन सकिएको जनसम्पर्क अधिकृत शुसिल गुरुङ्ग ले बताउनु भयो