काठमाडौं – नेपालमा आज थप ५२५ जनामा कोरोना भाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयले बिहीबार थप ५२५ जनामा कोरोना पुष्टि भएको जानकारी दिएको छ ।

विभिन्न ३८ प्रयोगशालामा गरिएको ९ हजार ८५९ परीक्षणमा थप ५२५ जनामा कोरोना संक्रमण पुष्टि भएको मन्त्रालयका प्रवक्ता प्रा.डा. जागेश्वर गौतमले जानकारी दिए ।

यससँगै काेराेना संक्रमितकाे संख्या २४ हजार ९५९ पुगेकाे छ । कुल संक्रमितमध्ये सक्रिय संक्रमितको संख्या ८ हजार २५ रहेको छ ।

यता, नेपालमा कोरोनामुक्त हुनेको संख्या १६ हजार ८३७ पुगेको छ । पछिल्लो २४ घण्टामा थप १०९ जना कोरोनालाई जितेर घर फर्किएका छन् ।