बुटवल । नेकपा क्रान्तिकारी माओवादीको केन्द्रीय समितिको बुटवलमा सम्पन्न बैठकले सरकारका कामकारबाही जनताको चाहनाअनुसार नभएको भन्दै आन्दोलन थाल्ने भएको छ ।

मंसिर १२ गतेदेखि १७ गतेसम्म बुटवलको ढवाहमा बसेको बैठकले गरेका निर्णय बुटवलमा सार्वजनिक गर्दै पार्टी महासचिव मोहन वैद्य किरणले सरकारले राष्ट्रियता, जनतन्त्र,जनजीविका, हत्या, हिंसा, बलात्कार, भ्रष्ट्राचार, कर बृद्धि, सीमा अतिक्रमण जस्ता विषयमा चासो नदिएको बताए।

उनले केपी ओली नेतृत्वको सरकार संसदीय भुलभुलैयाको सरकार भएको भन्दै सरकारसँग कुनै योजना नभएको दाबी गरे ।

उनले सरकारले देशमा हत्या हिंसा आतंक मच्चिदा पनि वास्ता नगरेकोमा आलोचना गरे ।