काठमाडौं –प्रधानमन्त्री केपी शर्मा ओलीले २०८१ सालभित्रमा मेलम्चीमा याङ्ग्री र लार्के खोलाको पानी थपिने बताएका छन् । आज मेलम्ची पानी वितरणको उद्घाटन गर्दै प्रधानमनत्री ओलीले अहिले मेलम्ची खोलाको पानी मात्रै प्रयोग गरिएको उल्ल्ेख गर्दै आगामी तीन वर्षभित्रमा याङग्री र लार्के खोलाको पानी थपिने बताएका हुन् ।

मेलम्ची परिउयोजनाबाट हाल साढे ८ करोड लिटर पानी मात्रै काठमाडौंमा वितरण थालिएको ओलीले बताए । अबको केही समयपघि नै दैनिक १७ करोड लिटर पानी वितरण हुने ओलीको भनाई छ । उनले याङग्री र लार्के खोलाको पानी ल्याउनका लागि तदारुकताका साथ काम गर्न उनले मन्त्रालय र सम्बन्धित निकायलाई निर्देशन दिए।