बुटवल
अशोज ९ गते हुन गइरहेको काँग्रेसको नगर अधिवेशनकालागि बुटवल उपमहानगरपालिकामा रिता केसीको नेतृत्वमा प्यानल घोषणा भएको छ । केसीको नेतृत्वको प्यानलमा उपसभापती नरबहादुर रजाली र हरीलाल सुनार,सचिवमा जयप्रकाश भट्टराइ र सन्तोष पौडेल र सहसचिवमा सुदन बास्कोटा र गणेस घिमिरेले उम्मेदवारी घोषणा गर्नु भएको छ ।
केसीको प्यानल संस्थापन पक्षको मानिन्छ । आज उम्मेदवारी घोषणा गर्दै नगरसभापतीका उम्मेद्वार केसीले अग्रजलाइ सम्मान, युवालाइ अवसर र भातृ संस्थाहरुलाइ प्रोत्साहन गर्दै पार्टीलाइ अझ सशक्त बनाएर लैजाने प्रतिवद्धता जनाउनु भयो । उम्मेदवार घोषणा सभाको अध्यक्षता गर्नुभएका नेपाली काँग्रेस महासमिति सदस्य युवराज गिरीले सहमतीको प्रयास असफल भएपछि केसीको नेतृत्वमा प्यानल घोषणा गरेर अगाडी बढेको बताउनु भयो ।