काठमाडौं – नेपालमा गत चौबीस घण्टामा थप १ हजार २७२ जना कोरोना संक्रमण मुक्त भइ डिस्चार्ज भएका छन् । योसँगै नेपालमा कोरोना संक्रमण मुक्त भई डिस्चार्ज हुनेको कुल संख्या ९ लाख ५० हजार ५६ पुगेको छ । हाल संक्रमणमुक्त हुने दर ९७ दशमलव ४ प्रतिशत रहेको छ ।

त्यस्तै, गत चौबीस घण्टामा थप ३५० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका अस्पतालहरुबाट ३ हजार ५३८ जनाको पीसीआर परीक्षण गर्दा १९८ र ३ हजार ३५८ जनाको एन्टीजेन विधिबाट परीक्षण गर्दा १५२ जना गरी कुल ३५० जनामा कोरोना संक्रमण पुष्टि भएको हो । नेपालमा हाल १३ हजार ३५७ जना सक्रिय संक्रमित रहेका छन् ।

त्यस्तै, गत चौबीस घण्टामा थप चारजनाको कोरोना संक्रमणका कारण मृत्यु भएको छ । योसँगै नेपालमा कोरोनाका कारण ज्यान गुमाउनेको कुल संख्या ११ हजार ९१७ पुगेको छ । त्यस्तै, गत चौबीस घण्टामा देशभर थप ७ लाख ६९ हजार ५७६ जनाले कोरोना भाइरसविरुद्धको खोप लगाएका छन् ।