सैनामैना

रुपन्देहीको सैनामैना नगरपालिकामा विपन्न परिवारलाई घर हस्तान्तरण गरिएको छ । सैनामैना नगरपालिका वडा नं. ११ कञ्चन खोला किनारमा निर्माण गरिएको नमुना बस्तीमा बनाईएका घर घरवार विहिनलाई हतान्तरण गरिएको हो । उक्त वस्तीमा १० वटा घर छन् । तराई मधेश समृद्धि कार्यक्रमको ७० प्रतिशत र नगरपालिकाको ३० प्रतिशत लागत साझेदारीमा निर्माण गरिएको उक्त वस्तीको एउटा घरमा ३ वटा कोठा र शौचालय छ । नगरपालिकामा चक्रपथ निर्माणको क्रममा विस्तापित भएकालाई नमुना बस्तीमा स्थापित गर्न उक्त बस्तीमा घर निर्माण गरिएको मेयर चित्रबहादुर कार्कीले बताउनु भएको छ ।
मेयर कार्कीका अनुसार जनताको तटबन्धनबाट खोलामा तटबन्धन गरेर बस्तीलाई सुरक्षित गरिएको छ भने उक्त बस्तीमा घर थप्दै जाने नगरपालिकाको योजना छ । त्यस्तै बस्तीमा कम्पाण्ड, खेलमैदान, बिजुलीको पोल र तटबन्धनको काम बाँकी छ ।