तिलोत्तमा

रुपन्देहीको तिलोत्तमामा एक महिलाको शंकास्पद मृत्यु भएको छ । तिलोत्तमा नगरपालिका ६ सेमरीचोककी २५ वर्षीया सुविना गिरी आफ्नै होटलमा झुण्डिएको अवस्थामा सोमबार राति करिब १ बजे फेला परेकी छन् ।

उनलाई राति २ बजे क्रिमसन अस्पताल मणिग्राममा पु¥याइएको भए पनि चिकित्सकहरुले मृत घोषणा गरेका थिए ।मृतकका मामा अमृत गिरीले सुविना झुण्डिएको भनिए पनि माइती पक्ष र आफन्त कसैले नदेखेकाले शंकास्पद रहेको बताए ।

मृतकको शव लुम्बिनी प्रादेशिक अस्पतालमा राखिएको र घटनाबारे अनुसन्धान सुरु भएको प्रहरी निरीक्षक सन्तोष घिमिरेले बताए । मृतकका २ जना नाबालक छोराछोरी छन् ।

माइती पक्षले भने कुटपीट गरेर हत्या गरी झुण्डिएको बहाना बनाएको दावी गरेका छन् । मृतककी फुपू क्षमा गिरीले शरीरभरि नीलडाम भएकाले घटनाको सत्यतथ्य छानबिन र दोषीमाथि कारबाहीको माग गरेका छन् ।