दाङ
दाङ घोराहीबाट बुटवलका लागि छुटेको मिनि बस मसोट खोलामा दुर्घटना हुँदा एकजनाको मृत्यु भएको छ भने तीन जना घाइते भएका छन् ।
मृत्युु हुनेमा जिल्लाको बंगलाचुली गाउँपालिका वडा नम्बर ६ लापे निवासी ३० वर्षिय यमि घर्ती मगर रहेकी छन् ।

दुर्घटनामा गम्भीर घाइते भएकी घर्ती मगरको लमही अस्पतालमा उपचारको क्रममा मृत्यु भएको वडा प्रहरी कार्यालय लमहीले जनाएको छ ।
शनिवार दिउँसो पौने १ बजे घोराहीबाट बुटवलका लागि छुटेको ना ४ ख ६९५० नम्बरको मिनि बस ब्रेकफेल भई मसोटको घुम्ती नजिकै दुर्घटना भएको हो ।
बसमा सवार मृतकको ५ वर्षीय छोरी आहाना घर्ती मगर, एरावती गाउँपालिका वडा नम्बर २ निवासी सरस्वती आचार्य, लमही नगरपालिका वडा नम्बर ५ निवासी ५ वर्षिय सुरज बस्नेत घाइते भएका छन् । घाइतेहरुको लमही अस्पतालमा उपचार भइरहेको छ ।