के फाइदा?

उमेर बित्न समय लाग्दैन नी महोदय !
छोटो यो जिन्दगी,
छोटो यो जिन्दगीको समय बित्न बेरै लाग्दैन ।
त्यो जिन्दगीमा पनि छुट्टी लिनुपर्यो भने, त्यो जिन्दगीको के फाइदा?
आफ्नो लागि समय निकाल्न हजार पटक सोच्नु पर्यो भने त्यो जिन्दगीको के फाइदा?
धनि भयर पनि मन र सोच गरिब भए त्यो धनको के फाइदा?
फाइदा के छ , फाइदा कहाँ छ बताउ न मलाई
मेरो जिबन कसैबाट नियन्त्रणमा छ भने मेरो जिबनको के फाइदा?
जिबनमा खुलेर हसाउन नसक्ने साथिको के फाइदा?
जसको कांधमा रुन सकिदैन त्यो कांधको के फाइदा?
धन छ तर काम आउदैन भने त्यो धनको के फाइदा?
जुन छतले ओत दिदैन त्यो छतको के फाइदा?
जुन सपना पुरा गर्नै सकिँदैन त्यो सपनाको के फाइदा?
महोदय!,
जिबन छोटो छ,
त्यसैले छोटो जिन्दगी बित्न के नै बेर लाग्छ र ?
यहि छोटो जिन्दगीमा पनि खुसी मिल्दैन भने ,
त्यो बेकाम जिन्दगीको के फाइदा
त्यो बेकाम जिन्दगीको के फाइदा ।

कल्पना शर्मा
२०८१/०४/०५
तिलोत्तमा ३