काठमाण्डौ – इन्डो–नेपाल रनिङ शिल्ड पुरुष भलिबलमा आज दुई वटा खेल हुँदैछ । पहिलो खेलमा बिहान ११ बजे आयोजक मदन भण्डारी स्पोर्ट्स एकेडेमी र रुकुम पश्चिम भलिबल प्रशिक्षण केन्द्र खेल्दैछन् ।

मदन भण्डारी स्पोर्ट्स एकेडेमी यसअघि अस्ति बुधवार भएको उद्घाटन खेलमा नेपाल पुलिस क्लबसँग पराजित भएको थियो । यस्तै हिजोको खेलमा रुकुम पश्चिम पनि मणिमुकुन्द भलिबल क्लबसँग हारेको थियो ।

यसैबीच आजै हुने दोस्रो खेलमा दिउँसो १ बजे एपीफ र भारतको गुजरात स्टेट भलिबल क्लब खेल्दैछन् । यसअघि एपीएफ र गल्कोटबीचको हिजोको खेल स्थगित भएको थियो ।

अस्ति बुधवारदेखि शुरू भएको प्रतियोगिता यही पुस २४ गते आउने बुधवारसम्म चल्नेछ ।