काठमाण्डाै – युगान्डामा हुने चारदेशीय महिला टी–२० अन्तर्राष्ट्रिय क्रिकेट शृङ्खला अन्तर्गत नेपालले आफ्नो पहिलो खेलमा आज नामिबियासँग खेल्दैछ ।
नेपाल र नामिबियाको खेल युगान्डाको एन्टेब्बे क्रिकेट मैदानमा नेपाली समयअनुसार बेलुका पौने ५ बजे शुरू हुनेछ । नेपालले नामिबियाको महिला टोलीसँग पहिलो पटक खेल्न लागेको हो ।
शृङ्खलामा नेपालसहित घरेलु टोली युगान्डा, नामिबिया र हङकङ छन् । शृङ्खलामा सबै टोलीले एकअर्कासँग समान २/२ खेल खेल्नेछन् । जसमा नेपालले भोलि युगान्डासँग खेल्नेछ भने पर्सि हङकङसँग खेल्ने छ । त्यसैगरी फागुन २८ गते नामिबियासँग, २९ गते युगान्डासँग र ३० गते हङकङसँग खेल्ने तालिका छ ।
लिग चरणको शीर्ष दुई टोलीले फाइनल खेल्नेछन् । फाइनल खेल चैत ३ गते हुनेछ ।
प्रकाशित मिति : शनिबार, फाल्गुन २४ २०८१
कम्पनी दर्ता न २२६१५४ ०७६/०७७
सुचना तथा प्रसारण बिभाग दर्ता न. १६५३ ०७६/०७७
प्रेस काउन्सिल ३६९ ०७६/०७७
जनता टुडे मिडिया प्रा. लि
सम्पर्क : ९८४७००९२८१, ९८६७११५१०३
तिलोत्तमा नगरपालिका-२, रुपन्देही
इमेल : [email protected]
प्रतिक्रिया दिनुहोस्