तिलोत्तमा, रुपन्देही जिल्लाको तिलोत्तमा नगरपालिका वडा नं तीनमा सीपमूलक तालिम आजदेखि सुरु भएको छ। जानकीनगर आमा समूहको आयोजनामा पांच दिने सीपमूलक तालिम शुरु भएको हो ।

तिलोत्तमा नगरपालिका वडा नं तीनका वडाध्यक्ष कल्याण प्रसाद पौडेलको प्रमुख आतिथ्यमा कार्यक्रम शुभारम्भ भएको हो। तालिमको उद्घाटन गर्दै वडाध्यक्ष पौडेलले महिलाहरु सक्षम भए पछि परीवार र समाज अगाडि बढ्न समय नलाग्ने बताउनुभयो। उहाँले आफुले सिकेको सिपलाई ब्याबसायिक रुपमा अगाडि बढाउन पनि अनुरोध गर्नुभयो।

सो अवसरमा संस्थाका सल्लाहकार राममाया घिमिरे, जानकीनगर टोल विकास संस्थाका उपाध्यक्ष दिपा अर्याल, संस्थाका निवर्तमान अध्यक्ष मन्जु गौतम लगायतले मन्तव्य राख्नु भएको थियो।

दशजना सदस्य सहभागी तालिमको सहजिकरण सीता मल्लले गर्नुभएको छ।

संस्था ले समय समयमा सीपमूलक तालिम प्रदान गर्दै आइरहेको छ। सीपमूलक तालिमबाट जुत्ता चप्पल बनाउने तथा अर्गानिक धूप बनाउने काम व्यावसायिक रूपमा भैरहेको संस्थाका अध्यक्ष गिता रानाले जानकारी दिनुभयो।

संस्थाका सदस्य रन्जना मरासिनीको स्वागत तथा सहसचिव शान्ति अधिकारीको संचालनमा कार्यक्रम सम्पन्न भएको हो ।