अर्घाखाँची /जनता टुडे

भारतले सिमा मिचेको विरोधमा राष्ट्रिय जनमोर्चा अर्घाखाँचीले सन्धिखर्कमा आज मसाल जुलुस सहित प्रदर्शन गरेको छ ।

कालापानी, लिम्पीयाधुरा , लिपुलेक लगायतका स्थानहरु समेटेर भारतले नक्सा सार्वजनिक गरेको भन्दै राष्ट्रिय जनमोर्चाले मसाल जुलुस सहित प्रदर्शन गरेको राष्ट्रिय जनमोर्चाका जिल्ला अध्यक्ष थम्मन केसीले बताउनुभयो ।
भारतीय विस्तारवाद मुर्दाबाद, सिमा मिच्न पाइदैन, संघियता खारेज गर लगायतका नारा लगाउदै चुत्राबेसीबाट शुरु भएको मसाल जुलुस सहितको प्रदर्शन चुत्राबेसी र सन्धिखर्कका विभिन्न भाग परिक्रमा गर्दै शान्ती बगैचामा गएर कोण सभामा परिणत भएको थियो ।

पछिलो कानून अनुसार विरोध प्रदर्शनमा मसाल जुलुस प्रदर्शन गर्न पाइदैन । मसाल जुलुस शान्ती बगैचामा पुगेपछि प्रहरीले आगो निभाएको थियो ।