नयाँ दिल्ली । भारतीय कलाकारद्वय रणवीर सिंह र दीपिका पादुकोणले वैवाहिक जीवन सुरु गरेका छन् । विवाहपछि उनीहरुलाई अहिले चौतर्फी बधाई आइरहेको छ । उनीहरुको विवाहको तस्बिर सामाजिक सञ्जालमा भाइरल बनिरहेको छ । विवाहलगत्तै उनीहरु भारत फकर्ने तयारीमा छन् ।

प्राप्त खबरका अनुसार उनीहरु विवाहलगत्तै हनिमुन ट्रिपमा नजाने पक्का भएको छ । पिंकविलाको रिर्पाट अनुसार १७ नोभेम्बरसम्मका लागि लेक कोमोमा होटल बुक छ । दुवैजना १८ नोभेम्बरमा भारत फर्कनेछन् । मुम्बई झरेलगत्तै उनीहरु बेंग्लोर जानेछन् । बेंग्लोरमा उनीहरुले २१ नोभेम्बरमा रिसेप्शन पार्टीको आयोजना गर्नेछन् । बेंग्लोर दीपिकाको होमटाउन हो ।

यसका साथै अर्काे एक पार्टी मुम्बईमा आयोजना हुनेछ । यो पार्टी २८ नोभेम्बरमा हुनेछ । जहाँ बलिउडका सबै कलाकारहरु सहभागी हुने बताइएको छ।