बुटवल ।बिप्लव नेतृत्वको नेपाल कम्युनिष्ट पार्टीका प्रवक्ता खडग बहादुर बिश्वकर्मा प्रकाण्डले प्रधानमन्त्रि केपी शर्मा ओलीलाई सरकार टिकाउन हैरानी भएको बताएका छन् ।

क्रान्तिकारी पत्रकार संगठनले बुटवलमा आयोजना गरेको पत्रकार सम्मेनलमा उहाले अरु कसैका कारणले नभई आफ्नै पार्टीका नेताहरुका कारण प्रधानमन्त्रि ओलीलाई ५।६ महिना पनि सरकार टिकाउन हैरानी परेको बताए ।

उनले भने -‘इतिहासकै बलियो जनसमर्थनको सरकार बनियो भनियो तर आफ्नै पार्टी भित्रका नेताहरुका कारण ओलीलाई यो सरकार ५।६ महिना पनि टिकाउन हैरानी भएको छ ।’

सरकार बिरुद्ध कडा रुपमा प्रस्तुत हुनु भएका प्रकाण्डले अहिलेको सरकार र सरकारका मन्त्रिहरु बिगतको भन्दा झनै बढी भ्रष्टाचारी भएको बताए । उनले भने -‘विगतमा काग्रेसका मन्त्रिहरुले लाख करोडमा भ्रष्टाचर गर्थे अहिले कम्युनिष्ट पार्टिका मन्त्रिहरुले अरबौमा भ्रष्टाचार गरीरहेका छन यसले कम्युनिष्ट पार्टीकै बितृष्णा जगाएको छ ।’