आज मिति २०७५ फागुन २८ गते मंगलवार तदनुसार १२ मार्च २०१९ विरोधकृतनाम संवत्सर रवि उत्तरायण, बसन्तऋतु , फागुनशुक्लपक्ष, तिथि – षष्ठी ४७ घडी १७ पला, रात्रि १ वजेर १४ मिनेटसम्म , नक्षत्र कृतिका ४८ घडी ३३ पला, रात्रि १ वजेर ४५ मिनेट सम्म, योग – वैधृति , करण – कौलव, आनन्दादीयोग – गद , चन्द्रमा – मेष राशिमा विहान ७ वजेर ४१ मिनेट सम्म पश्चात् बृषमा , सूर्य– कुम्भ राशिमा , बृहस्पति – बृश्चिक राशिमा, सूर्य उदय विहान ६ वजेर २० मिनेटमा, सूर्यास्त – सायं ६ वजेर १० मिनेटमा

शुभवारलेला
रोगवेला – विहान ६ वजेर १८ मिनेट देखि ७ वजेर ४७ मिनेट सम्म ।
उद्वेगवेला – विहान ७ वजेर ४७ मिनेट देखि ९ वजेर १६ मिनेट सम्म ।
चरवेला – विहान ९ वजेर १६ मिनेट देखि १० वजेर ४५ मिनेट सम्म ।
लाभवेला – विहान १० वजेर ४५ मिनेट देखि दिनको १२ वजेर १४ मिनेट सम्म ।
अमृतवेला – दिनको १२ वजेर १४ मिनेट देखि दिनको १ वजेर ४३ मिनेट सम्म ।
कालवेला – दिनको १ वजेर ४३ मिनेट देखि ३ वजेर ११ मिनेट सम्म ।
शुभवेला – दिनको ३ वजेर ११ मिनेट देखि ४ वजेर ४० मिनेट सम्म ।
रोगवेला – सायंकाल ४ वजेर ४० मिनेट देखि ६ वजेर ९ मिनेट सम्म ।

मेष (चू,चे,चो,ला,लि,लू,ले,लो,अ)

जिम्मेवार रूपमा व्यवहार गरे स्वतः काम बन्नेछ । आम्दानी हुने व्यवसाय सञ्चालन गर्न पारिवारिक मत मिल्नेछ । सबैको सहयोगले थप ऊर्जा मिल्न सक्छ । गहिरो अध्ययनले ज्ञानको दायरा बढाउन मद्दत गर्नेछ । सामाजिक हैसियत कायम राख्न जीवन शैलीमा परिवर्तन ल्याउनुपर्नेछ ।

वृष (ई,ऊ,ए,ओ,वा,वी,वू,वे,वा)

असाबधानी पूर्वक गरिएको यात्रामा आर्थिक तथा मानसिक तनावको सामना गर्नुपर्ने हुनसक्छ । मान्यजनको सुझाव पालना गर्दा सकारात्मक बाटो पहिल्याउन सहज हुनेछ । भविष्यका निम्ति दिगो जग बसाउने कार्य सञ्चालन गर्ने अवसर जुट्न सक्छ । भोज–भतेरमा विशिष्ट व्यक्तिहरू सँग परिचित हुने अवसर जुर्नेछ ।

मिथुन (का,की,कू,घ,ङ,छ,के,को,हा)

अपेक्षा अनुरूपको सफलता हात पार्न थप मेहनतको आवश्यकता छ । यथार्थलाई आत्मसात् गर्दा आर्थिक क्षतिबाट उम्कन सहज हुनेछ । बुद्धिको सहायताले जटिल परिस्थितिको सामाना गर्न सकिनेछ । अर्काको देखासिकी गरी पहुँच र क्षमताले नभ्याउने काममा समय खर्चिंदा पछि परिएला । हठ गर्ने स्वभावका कारण मन पराउनेहरूसँग खटपट उत्पन्न हुनसक्छ ।

कर्कट (ही,हू,हे,हो,डा,डी,डु,डे,डो)

प्रतिस्पर्धीहरूले छवि बिगार्ने प्रयास गरे पनि परिणाम आफ्नै पोल्टामा हुनेछ । अध्ययनका निम्ति देखिएको दोधारे प्रवृत्ति स्वतः निष्क्रिय हुनेछ । मनमा उत्पन्न सकारात्मक विचारले नौलो प्राविधिक इलमतर्फ आकर्षित गर्नेछ । सामाजिक सञ्जालमा परिचित नयाँ मित्रबाट अपेक्षाभन्दा बढी ज्ञान आर्जन गरी लाभलिन सकिनेछ ।

सिंह (मा,मी,मू,मे,मो,टा,टी,टू,टे)

आफूभित्रको भय उत्साहमा परिवर्तन भै समाजसेवातर्फ आकर्षित भइनेछ । लामो समयसम्म रोकिएका काम स्वतः फुकुवा हुनेछन् । प्रतिस्पर्धामा इनाम तथा सम्मानजनक स्थान प्राप्त हुनेछ । रचनात्मक काम गर्नाले जीवनमा उर्जा थपिने छ । सवारी चलाउँदा विशेष ध्यान दिनु होला ।

कन्या (टो,पा,पी,पु,ष,ण,ठ,पे,पा)

मेहनतले जीवन शैलीमा परिर्वतन ल्याउनुका साथै आर्थिक अभावको अवस्था स्वतः दूर हुनेछ । टाढिएका आफन्तजनसँग भेटघाट हुनेछ, जसले मन प्रफुल्लित बनाउनेछ । करियरका लागि आत्मीय मित्रहरूसँग सुझाव लिनुपर्नेछ । उत्सव तथा पाटीमा पुराना मित्रहरूसँगको भेटले राम्रै मनोरञ्जन प्रदान गर्नेछ ।

तुला (रा,री,रु,रे,रो,ता,ती,तू,त)

चासो नभएको विषयमा सरोकार राख्दा दुःख पाइनेछ । रोकिएका कार्यमा दोहोर्याएर प्रयत्न गर्दा सफलता हात पर्नेछ । पढाइ–लेखाइमा त्यति ध्यान दिन नसकिएला । वहानवाट साबधान हुनु पर्नेछ । बल जफतले गरेको काम बिग्रनेछ , गल्ती सच्याउने मौका पाए पनि सच्याउने प्रयास गरिने छैन, प्रतिबद्धताले गुमेको प्रतिष्ठा फर्काउन कठीन पर्ला ।

वृश्चिक (तो,ना,नी,नू,ने,नो,या,यी,यू)

आफ्नो कार्य दक्षताको चौतर्फी प्रशंसा हुनेछ । जरोपत्ता लगाई असहज परिस्थितिको सामना गर्न सकिनेछ । लगनशीलताले विविध अवसर जुटाउनेछ । मन मिल्ने साथीको सुझावमा विश्वास गरेर अगाडी बढे पकै पछि नपरिएला । मनका अनेकौ भ्रमलाई चिर्न सकिनेछ ।

धनु (ये,यो,भा,भी,भू,ध,फा,ढा,भे)

विपन्नहरू लाई सहयोगीको भूमिका निर्वाह गरेर आफ्नो परिचय फराकिलो बनाउन सकिनेछ । नयाँ क्षेत्रमा लगानी गर्ने अवसर प्राप्त हुनेछ । उपहारका साथ भेट्न आउनेसँग सावधानी अपनाउनुहोला । बोलीमा थप प्रभाव पार्न सकिनेछ । आफन्तको लागि खर्चेको समयले फल दिनेछ ।

मकर (भो,जा,जी,जू,जे,जो,ख,खी,खू,खे,खो,गा,गी)

व्यवसायमा अपेक्षाकृत सफलता हात पार्न केही समय कुर्नुपर्नेछ । साथीहरूले समस्याको गाँठो फुकाउन सहयोग गर्नेछन् । प्रेमी–प्रेमिकासँगको भेटघाट अविस्मरणीय हुनेछ । खानपान तथा मनोरञ्जनमा संयमित रहनु नै उपयुक्त हुन्छ । मौसम प्रतिकूल हुँदा स्वास्थ्यमा ध्यान दिनुहोला ।

कुम्भ (गू,गे,गो,सा,सी,सू,से,सो,दा)

नयाँ रोजगारी हात पार्न बौद्धिक व्यक्तित्वहरूसँग प्रतिस्पर्धा गर्नुपर्ने हुन सक्छ । समयलाई बेवास्ता गर्दा पछि परिनेछ । परिवारका सदस्यहरूबीच मत नमिल्दा सानातिना झन्झट आइलाग्न सक्छन् । समस्या पहिचान गरेर सहज बन्न कठीन पर्ला । नजीकका आफूले अपेक्षा गरेकाले सहयोग गर्ने छैनन् ।

मीन (दी,दू,थ,झ,ञ,दे,दो,चा,ची)

इच्छा–आकांक्षा तीव्र गतिमा बढने छ । आशा मारेको व्यवसायले उत्साह जगाउने छ । मन मिल्ने साथीको स्वास्थ्यमा गडबडी देखा पर्न सक्छ । दिनमा भोज–भतेरमा सहभागी हुन पाइनेछ , सही र सद्उपयोगमा खर्च होला, धार्मिक यात्रा सम्भव छ ।