काठमाडौं । नेपाल र चीनबीच तीन वटा सम्झौता भएका छन् । चिनियाँ विदेशमन्त्री वाङ यीको नेपाल भ्रमणका क्रममा सोमबार सम्झौता पत्रमा हस्ताक्षर भएको हो । काठमाडौंको एक पाँचतारे होटलमा उच्चस्तरीय वार्तापछि चिनियाँ विदेशमन्त्री यी र नेपाली सकमक्षी प्रदीप ज्ञवालीको उपस्थितिमा हस्ताक्षर भएको हो ।

पहिलो सम्झौतामा चीनले मनाङमा अस्पताल बनाउन सहयोग गर्ने उल्लेख छ । करिव ३५ करोड रुपैयाँ लागतमा चीनले अस्पताल बनाइदिने भएको हो । चिनियाँ भाषा पढाउनका लागि नेपालमा स्वयंसेवक शिक्षक उपलब्ध गराउने र नेपालमा विपत् पीडितका लागि ५ हजार थान पाल दिने रहेका छन् ।