बुटवल ।
स्वाथ्य कार्यालय रुपन्देहीको आयोजनामा जनस्वाथ्य सम्बन्धी विभिन्न विषयमा रुपन्देहीका सञ्चारकर्मीहरु संग अन्तरक्रिया कार्यक्रम गरेको छ ।
तिलोत्तमा आयोजना गरिएको कार्यक्रममा सर्ने रोग र नसर्ने रोगको विषयमा पत्रकारहरुलाई जानकारी दिईएको थियो । यसको साथै शनिवार मनाउन लागिएको ५६ औ विश्व कुष्ठरोग दिवसको अवसरमा समेत जानकारी दिईयो ।
कार्यक्रममा जिल्ला स्वाथ्य कार्यालय रुपन्देहीका अनुसार जिल्लामा १ बर्षमा कुल १ सय ५२ जना नयाँ कुष्ठरोगीहरु भेटिएका छन् । जिल्ला स्वाथ्य कार्यालय रुपन्देहीका क्षयरेकुष्ठ निरिक्षक टिकाराम शर्माका अनुसार तराईका जिल्लाहरुमा अहिले पनि कुष्ठरोगीहरु फेला पर्ने क्रम रोकीएको छैन । आर्थिक बर्ष २०७५र७६ मा उृपचारमा रहेका विरामीहरुको संख्या ९९ जना विरामीहरु उपचाररत रहेका छन् ।
जिल्ला स्वाथ्य कार्यालय रुपन्देहीका प्रमुख डा. राजेन्द्रकुमार गिरीले नयाँ पत्ता लाग्ने दरमा कमी नआएको कारण सरकारले लिएको लक्ष्य भेटउन मुस्कील रहेको बताउनुभयो । उहाले यसको लागि केन्द्र, प्रदेश र स्थानिय तहबाट निरन्तररुपमा काम जारी रहेको भन्दै कमी आउने अपेक्षा रहेको बताउनुभयो ।