बुटवल
संगठन बिस्तार तथा सुदृढिकरण,२०७८ जेठमा महिना पछि महाधिवेशन गर्ने,भ्रष्टाचार अभियानलाइ सशक्त पार्ने,उचपदस्थ राजनीतिककर्मी तथा प्रशासक,कर्मचारीको सम्पत्ती छानबिनको माग लगायतका निर्णय गर्दै साझा पार्टीको राष्ट्रिय भेला शनिबार सकिएको छ । लोकतान्त्रिक अधिकारको संरक्षण र सम्बृद्धिका सपना पुरा गर्ने सवालमा सरकार असफल भएको र प्रतिपक्ष दल पनि आफनो भुमीकामा चुकेको निश्कर्ष सहित राष्ट्रिय भेलाले १४ बुँदे लुम्बिनी घोषण पत्र जारी गरेको छ ।
शनिबार बुटवलमा लुम्बिनी घोषणा पत्र सार्वजनिक गर्दै पार्टीका संयोजक रबिन्द्र मिश्रले गोकुल बास्कोटा भ्रष्टाचार काण्डमा प्रधानमन्त्री केपि शर्मा ओली न्यायधिश बन्न खोजेको बताउनु भयो । ‘कुनैपनि भ्रष्टाचार काण्डमा मुछिएको व्यक्तिलाइ प्रधानमन्त्रीले उनी निर्दोश छन । संलग्नता छैन भनेर अभिव्यक्ति दिने होइन । प्रमाण छ र छैन भनेर बोल्ने होइन’ ।‘प्रधानमन्त्रीले त निश्पक्ष छानबिन गर्छौ भन्नु पथ्र्यो’ मिश्रले भन्नुभयो। बास्कोटा काण्डको निश्पक्ष छानबिन हुनु पर्ने र मुद्या चलाइनु पर्नेमा आफनो पार्टी स्पष्ट रहेको भन्दै उनले यो घटनाको निश्पक्ष छानबिन भए लहरो तान्दा पहरो गर्जीने दावी मिश्रको छ । चप्पल लगाएका र झुपडीमा बसेका नेताहरुले एकाएक कसरी काठमान्डौमा महल ठड्याए भन्ने प्रश्नको जवाफ यस्तै काण्डहरुले दिइरहेको पनी उहाँले बताउनु भयो ।
राष्ट्रिय भेलाले २०७८ को जेठमा महाधिवेशन गर्ने निर्णय गरेको छ ।संगठन बिस्तार र सुदृढिकरणलाइ जोड दिएको छ । समान सोच भएका व्यक्ति,राजनीतिक शक्ति तथा पार्टीहरुसंग सहकार्य र एकताकालागि पहल गर्ने निर्णय भेलाले गरेका छ । भ्रष्टाचार बिरोधी अभियानलाइ शसक्त बनाउने र २०४६ सालपछिका उच्चपदस्त राजनीतिकर्मी, प्रशासक र कर्मचारीहरुको सम्पत्ती छानबिन हुनु पर्ने माग भेलाले गरेको छ ।
धर्मनिरपेक्षता र संघियताको सम्बन्धमा पार्टी जनमत संग्रहको पक्षमा उभिने निर्णय गरीएको छ । सरकारी कर्मचारीहरुको सबै युनियनहरु खारेजीको माग गरीएको छ । युवाको बिदेश पलायनलाइ रोक्न कृषि,पर्यटन,उद्योग, जस्ता क्षेत्रमा रोजगारी सृजना हुने गरी नीति अख्यिार गर्न सरकारसंग माग गरीएको छ । गरीबीको रेखा मुनी रहेका आम नागरिक,मजदुर, सुकुम्बासी किसान बिद्यार्थीहरुलाइ सहुलियतमा खद्य बस्तु उपलब्ध गराउन राशन कार्डको व्यवस्था र कृषि अनुदानलाइ बिस्तार गर्न माग गरीएको छ । बिदेशमा रहेका नेपालीहरुको मतदान अधिकार सुनिश्चित गर्न भेलाले माग गरेको छ ।