नवलपरासी
बर्दघाट  सुस्ता पश्चिममा श्रीमानको हत्या अभियोगमा १ महिला पक्राउ परेकी छन् । पक्राउ पर्नेमा प्रतापपुर गाउँपालिका–९, बेलाटारीकी ३६ वर्षीया पार्वतीदेवी चौधरी हुन् ।
घरमा मृत भेटिएका ३७ वर्षीय धर्मनाथ मुखिया चौधरी को घटनास्थलको अवस्था र शवको प्रकृति हेर्दा मृत्यु शंकास्पद देखिएपछि उनकी पत्नी पार्वतीलाई  नियन्त्रणमा लिइएको जिल्ला प्रहरी कार्यालय परासीका सूचना अधिकारी प्रहरी नायव उपरीक्षक वीरेन्द्र थापाले जानकारी दिए ।
धर्मनाथ आफ्नो घरको कोठाभित्र घाँटीमा नीलडाम, टाउकामा चोट र दुवै हातको नाडी काटिएको मृतावस्थामा फेला परेका थिए । अभियुक्त पार्वतीविरूद्ध आवश्यक अनुसन्धान थालिएको प्रहरीले जनाएको छ ।