काठमाडौं

गएको २४ घण्टामा ८२ जना संक्रमित थपिएका छन्। स्वास्थ्य तथा जनसंख्या मन्त्रालयले नियमित पत्रकार सम्मेलन गरी ८२ जना संक्रमित थपिएको जानकारी दिएको छ।

यो सँगै संक्रमित संख्या १६ हजार ८०१ पुगेको छ। पछिल्लो २४ घण्टामा २५ प्रयोगशालामा तीन हजार ९१६ जनाको पीसीआर परीक्षण भएको मन्त्रालयले जनाएको छ। गएको २४ घण्टामा १४७ जना निको भएर घर फर्किएका छन्।

आइतबार सहित अहिलेसम्म आठ हजार १७४ निको भएर घर फर्किएका छन्। देशभरका क्वारेन्टिनमा २३ हजार ७८४ जना छन् भने आइसोलेसनमा आठ हजार १७४ छन्। अहिलेसम्म नेपालमा संक्रमणबाट ३८ जनाको मृत्यु भएको छ।

उपत्यका बाहिर संक्रमित संख्या घटे पनि राजधानी उपत्यकामा भने संक्रमित बढेको छ। मन्त्रालयका अनुसार, काठमाडौं, भक्तपुर र ललितपुरमा संक्रमित हुनेको संख्या ३४७ पुगेको छ।