काठमाडौं, जुत्ता किनारमा छाडेर सोमबार बल्खु खोलामा हाम फालेका कान्तिपुर दैनिकका सहायक सम्पादक बलराम बानियाँको शव फेला परेको छ ।

तीन दिनदेखि बेपत्ता पत्रकार बानियाँको शव सिस्नेरीस्थित बल्खु खोलामा फेला परेको काठमाडौं प्रहरी प्रमुख एसएसपी श्याम ज्ञवालीले जानकारी दिए ।

जुत्ता किनारमा छाडेर बानियाँ सोमबार बल्खु खोलामा हाम फालेको प्रहरीको भनाइ छ ।

‘तीन दिनअघि उहाँ बेपत्ता भएको उजुरी आएको थियो,’ उनले भने, ‘बल्खुमा शव भेटिएको छ, पोस्टमार्टमका लागि हेटौंडा अस्पतालमा राखिएको छ ।’

दुई दशकभन्दा लामो समय कान्तिपुर दैनिकमा काम गरेका बानियाँ २०६५ मा केही समय नागरिक दैनिकमा आबद्ध भएका थिए ।

तनहुँ निवासी बानियाँ नेपाल पत्रकार महासंघका पूर्वकेन्द्रीय सचिव हुन् ।