बुटवल ।
रुपन्देहीमा बिहीबार थप २ जना कोरोना संक्रमितको मृत्यु भएको छ ।

मृत्यु हुनेमा रुपन्देहीको कन्चन गाउँपालिका ३ की ४८ वर्षीया महिला रहेकी छन् ।

उनको बुटवलस्थित लुम्बिनी प्रादेशिक अस्पतालको फिभर क्लिनिकमा बिहीबार मृत्यु भएको हो ।

उनका अनुसार कात्तिक ४ गते लुम्बिनी प्रादेशिक अस्पतालको फिभर क्लिनिक मा भर्ना भएकी ती महिलाको ४ गते स्वाब पठाइएकामा बिहीबार बिहान पोजिटिभ नतिजा आएको र बिहान नै मृत्यु भएको अस्पतालका सूचना अधिकारी डा विष्णु गौतमले जानकारी दिए ।

ती महिलामा ज्वरो र श्वासप्रश्वासमा समस्या रहेको डा। गौतमले बताए ।

त्यसैगरी रुपन्देहीको देवदह नगरपालीकामा होम आइसोलेसनमा बसेकी एक संक्रमित महिलाको मृत्यु भएको छ । मृत्यु हुनेमा देवदह–८ की ७७ वर्षीया महिला रहेको देवदह नगरपालीकाका स्वास्थ्य शाखा प्रमुख काशिनाथ बन्जाडेले बताए ।

कार्तिक २ गते स्वास्थ्यमा समस्या भइ चितवनको भरतपुर अस्पताल लगिएकी उनको ४ गते नतिजा पोजिटिभ आएपछि अस्पतालले फिर्ता पठाइदिएको थियो ।

फिर्ता ल्याइ होम आइासेलेसनमा राखिएकी उनको बिहीबार बिहान मृत्यु भएको बन्जाडेले बताए ।