बुटवल

तिलोत्तमा ४ को सीमानगरमा खानेपानी आयोजनाका पाइप राखीएको थुप्रोमा आगलागी भएको छ । आगलागीबाट लाखौं मुल्यका पाइप जलेर नष्ट भएको छ । क्षतीको एकिन बिबरण भने आइसकेको छैन ।

संघीय खानेपानी तथा ढल व्यवस्थापन आयोजना अन्तर्गत शंकरनगर खानेपानी तथा सरसफाइ संस्थाको ओभरहेड टंकी परिसरमा राखिएको पाइपमा शनिबार बिहान ११ बजेतिर आगलागी भएको हो । बुटवल, तिलोत्तमा र सिद्धार्थनगरबाट झिकाइएका दमकलले आगो नियन्त्रण्मा लिइएको इलाका प्रहरी कार्यालय बुटवलका डिएसपि प्रतितसिंह राठौरले बताए । आगालागी सुरु भएको करिब पौने घण्टामै आगो नियन्त्रणमा आएकाले केही पाइपहरुमा क्षती हुन नपाएको स्थानीयले बताएका छन । आगलागीको कारण भने नखुलेको र अनुशन्धान भइरहेको डिएसपि राठौरले बताए ।