बुटवल-रुपन्देही समाजिक सञ्जाल अष्ट्रेलियाले बुटवलको आम्दा अस्पताललाइ प्यासन मोनिटर सहयोग गरेको छ । सञ्जालले सिद्धार्थ महिला तथा वाल अस्पताल आम्दालाइ ७ लाख ४६ हजार मुल्य बराबरको मोनिटर एक कार्यक्रमका बिच हस्तान्तरण गरेको हो ।

सञ्जालका प्रतिनिधि काशीनाथ पोखरेलले अस्पतालका मेडिकल सुपरिटेण्डेन्ट डा.राजेन्द्र प्रसाद बस्याललाइ मोनिटर हस्तान्तरण गरेको प्रशासन प्रमुख ध्रुव श्रेष्ठले जानकारी दिए । सञ्जालका अध्यक्ष इश्वर पोख्रेलले अस्ट्रेलियामा रहेका नेपाली बिद्यार्थी,व्यवसायी कर्मचारीहरुको सहयोगमा बिरामीको उपचारमा सहजता ल्याउन मोनिटर सहयोग गरीएको बताए । कार्यक्रम संयोजक तथा संजालका कला साहित्य,सांस्कृतिक संयोजक मुक्तिराम पोखरेलले कोभिड १९ को महामारीका बेला सहज र गुणस्तरीय स्वास्थ्य सेवामा सर्बसाधारणको पहँुच बढाउन मद्यत पुरयाउने उद्येस्यले सहयोगको कार्यक्रम ल्याइएको बताए । यो मोनिटरले आइसीयु कक्षमा भर्ना भइ उपचार गराइरहेका बिरामीको उपचारमा सहजता ल्याउने अस्पतालले जनाएको छ ।