दाङ ।

दाङको बंगलाचुली गउँपालिका वडा नम्वर ७ विर्खेमा एक किशोरीलाई सामूहिक बलात्कार गरेको आरोपमा तीनजनालाई प्रहरीले पक्राउ गरेको छ । तिजको दरखाने दिन राती विर्खेमा नाच हेरेर बिहान ३–४ बजेको समयमा घर जाँदै गरेकी १८ वर्षीया किशोरीलाई सामूहिक करणी गरेको आरोपमा तीनजनालाई पक्राउ गरिएको जिल्ला प्रहरी कार्यालय दाङले जनाएको छ ।

पीडित युवतीको जाहेरीको आधारम बंगलाचुली गाउँपालिका वडा नम्बर ७ विर्खेका तीन युवा पक्राउ परेका हुन् । पक्राउ पर्नेमा बंगलाचुली–७ विर्खेका २७ वर्षीय पवन रोका, २७ वर्षीय विनाराम मर्स्याङ्गी र २० वर्षीय याम बहादुर मास्की रहेको जिल्ला प्रहरी कार्यालय दाङका प्रहरी प्रवक्ता डिएसपी मुकुन्द प्रसाद रिजाले जनकारी दिए । पक्राउ परेका युवाहरुलाई थुनामाराखेर थप अनुसन्धान भैरहेको प्रहरीले जनाएको छ।