बुटवल । रूपन्देहीको तिलोत्तमा नगरपालिकामा रोकिएको मतगणना आज राति ९ बजेबाट हुने भएको छ । मत परिणाम प्रविष्ट गर्दा निर्वाचन आयोगका कर्मचारीले नेपाली कांग्रेसको १४१ मत हुनुपर्नेमा ११४ र नेकपा (एमाले)को २५९ मत हुनुपर्नेमा २९६ रेकर्डमा चढाएपछि कांग्रेस प्रतिनिधिले विरोध गरेका थिए ।

विरोधकाबीच रोकिएको मतगणना सुरु गर्न सर्वदलीय बैठक बसेर तिलोत्तमामा वडा नं. २ र १६ को पुनः मतगणना गर्ने सहमति भएपछि गणना हुने भएको हो ।बैठकमा नेपाली कांग्रेस, नेकपा (एमाले), माओवादी केन्द्र, नेकपा (एकीकृत समाजवादी), जनता समाजवादी पार्टी, राष्ट्रिय जनमोर्चा, राष्ट्रिय जनमुक्ति पार्टी र राष्ट्रिय प्रजातन्त्र पार्टी सहभागी सर्वदलीय बैठकले आज राति ९ बजेबाट मतगणना हुने निर्णय भएको कांग्रेस नेता माधव देवकोटाले जानकारी दिए ।