काठमाडौं,४ पुस ।

दुवईबाट त्रिभुवन विमानस्थल अवतरण गरेको एयर अरेबिया विमानको शौचालयमा नवजात शिशु मृत फेला पारेका छन् ।

बुधबार बिहान ९ बजे दुवईबाट त्रिभुवन विमानस्थल अवतरण गरेको विमानकाे शौचालयमा नवजात शिशु मृत फेला परेकाे हाे ।

त्रिभुवन विमानस्थलका प्रवक्ता सुवास झाले नवजात शिशु मृत फेला परेको जानकारी दिए । विमानस्थल सुरक्षा स्रोतकाअनुसार आमाको उपचार काठमाडौं मेडिकल कलेज सिनामंगलमा भइरहेको छ । ती महिला करिब १५ मिनेट विमानको शौचालयमा थिइन् । नवजात शिशु फेला परेपछि सोधपुछ गर्ने क्रममा आमा अस्पतालमा रहेको जानकारी आएको प्रहरीले जनाएको छ ।

शंकास्पद महिलालाई प्रहरीले नियन्त्रणमा लिएको छ ।