बुटवल

राष्ट्रिय जनमुक्ति पार्टीका महासचिव टाेप अस्लामीले पुष्पकमल दाहाल प्रचण्ड नेतृत्वको सात दलीय सरकारबाट राष्ट्रियता साथै सार्वभौमिकता माथि थप प्रहार गरेको बताएका छन् ।

बिद्युत उत्पादन तथा ब्यापार सम्बन्धि नेपाल र भारतबीच भएको सम्झौताको बिषयलाई लिएर उनलेे सामाजिक सञ्जालमा उनलेे उक्त टिप्पणी गरेका हुन् ।

नेपाल जस्तो मूलुकमा स्थानीय तह सम्मनै सम्बन्धित देशको निर्णायक हस्तक्षेप हुनेगरी सम्झौता गरिनु एक सार्वभौम मूलुकका लागि ज्यादै गम्भीर विषय उनको भनाइ छ ।

साथै उनलेे १० हजार मेघावाटको बिजुली उत्पादन गर्ने नाउँमा देशको प्राकृतिक श्रोत साधन (नेपालको महत्वपूर्ण श्रोत नदीनाला) भारत सरकारलाई सुम्पनु सत्ताधरिहरुको नालायकीपन हो । यस्ता घटनाक्रमले देश र जनतालाई अरु बढी परनिर्भर हुने दाबी गरेका छन् ।

मगन्ते चिन्तन र त्यसको अक्षरस: कार्यान्वयनले देश झनै डूब्ने उनलेे उल्लेख गरेका छन् ।