बुटवल

रूपन्देहीको बुटवलमा डिजिटल समयलाई मध्यनजर गर्दै ब्रान्डिङ एण्ड डिजिटल प्रिसेन्स फर फेसन प्राेफेस्नल्स तालिम सञ्चालन गरिएको छ । हिमांशु बुटिक एण्ड ट्रेनिङ सेन्टरकाे अायाेजनामा साेमबार तालिम सम्पन्न भएको हाे । ट्रेनिङ  सेन्टरका नयाँ तथा पुराना विद्यार्थीहरूका लागि साे तालिम सञ्चालन गरिएको सेन्टरका अध्यक्ष हिरा पेग्नीले बताइन् ।
टिक्न र बिक्नको लागि निरन्तर सिकाई आवश्यक रहेकाे बताउँदै समयकाे मागलाई ध्यानमा राख्दै तालिम दिइएको सेन्टरका अध्यक्ष पेग्नीकाे भनाइ छ ।

कार्यक्रममा अाइडिया फ्युजनका सिइयाे , डिष्ट्रिक पब्लिक इमेज काे चियर अफ राेटरी इन्टरनेशनल तथा इड्राइभ लुम्बिनीका अध्यक्ष राजकुमार गुप्ताले प्रशिक्षण दिएका थिए । प्रशिक्षक गुप्ताले याे समय जाे काेहीले पनि समय र प्रविधिसँग अाफूलाई अभ्यस्त गराउन जरुरी रहेकाे बताए । उनले जुनसुकै पेशा र व्यवसायमा डिजिटल माध्यम अावश्यक रहेकाे बताउँदै समयसापेक्ष अाफूलाई परिवर्तन गर्न सक्नुपर्ने बताए । प्रशिक्षणमा नयाँ तथा पुराना गरी करिब ४३ जना प्रशिक्षार्थीहरूकाे सहभागिता रहेकाे सेन्टरले जनाएको छ । सहभागी विद्यार्थीहरूले समयसापेक्ष तालिम पाएकाे खुसी व्यक्त गरेका थिए ।