बुटवल,

नेपालीहरूकाे महत्त्वपूर्ण चाडपर्व नजिकिएसँगै बुटवल उपमहानगरपालिकाले बजार अनुगमनलाई तिब्रता दिएको छ ।

बुटवल उपमहानगरपालिकाकी उपप्रमुख सावित्रादेवी अर्यालको नेतृत्वमा खाद्य प्रविधि तथा गुड नियन्त्रण कार्यालय,नापतौल तथा गुणस्तर कार्यालय,उद्योगी ब्यवसायीका प्रतिनिधि,पत्रकारको संयुक्त टोलीले आज बुटवलका खाद्यान्न पसलहरूकाे अनुगमन गरेको हो ।

बुटवलवासीलाई स्वच्छ र गुणस्तरीय खाद्य वस्तु उपभाेग गर्न पाउन भन्ने उदेश्यले बजार अनुगमन लाई

तिब्रता दिएको बुटवल उपमहानगरपालिकाकी उपप्रमुख सावित्रादेवी अर्यालले बताइन् ।

अनुगमनका क्रममा केही खाद्यान्न पसलमा म्याद गुज्रेका र खान अयोग्य खाद्यवस्तु फेला परेको र ती खाद्यवस्तु नष्ट गरिएको बुटवल उपमहानगरपालिका अनुगमन शाखा प्रमुख ठगिश्वर पाेखरेलले जानकारी दिए ।

केही खाद्यान्न पसलमा ढक तराजुकाे नविकरण नगर्नुका साथै कागजपत्र दुरूस्त नभएको पाइएकोले केही पसललाई सचेत गराइएको समेत उनलेे बताए ।

बिगतकाे तुलनामा बजार थप ब्यवस्थित भएको पाइएको अनुगमन शाखा प्रमुख पाेखरेलकाे भनाइ छ ।