बुटवल , बुटवलको देविनगर स्थित रगंशालामा रमाइलो महोत्सव आजबाट सुरु भएको छ । रेड रक इभेन्ट एण्ड म्यानेजमेन्टको आयोजना हुने मेला यही कात्तिक १ गतेसम्म संचालन हुने छ ।

मेलाको बुटवल उपमहानगरपालिकाका प्रमुख खेलराज पाण्डेले उद्घाटन गरे । सो अवसरमा बोल्दै मेयर पाण्डेले बुटवललाई चलायमान गराउनका लागि मेला महोत्सवको भूमिका महत्वपूर्ण हुने बताए । मेलाको उद्ध्घाटन विभिन्न झाँकी समेत प्रस्तुत गरिएको थियो ।

कार्यक्रममा बुटवल उपमहानगरपालिका वडा नं। ११ का अध्यक्ष रामचन्द्र क्षेत्री, नेपाली कांग्रेस बुटवलका सभापति ज्योति भण्डारी, नेकपाका महेन्द्र भुसाल, विभिन्न संघ तथा संस्थाका प्रतिनिधि लगायतको सहभागिता रहेको थियो ।

आयोजकले महोत्सव अवधिभर एक लाखभन्दा बढी दर्शक सहभागी हुने र एक करोड रुपैयाँभन्दा बढीको आर्थिक कारोबार हुने अनुमान गरेको छ। आयोजकले महोत्सवबाट हुने कुल नाफाको पाँच प्रतिशत रकम बाढीपीडितको सहयोगका लागि उपलब्ध गराउने घोषणा गरेको छ।