काठमाडौं ।
सरकारले बालुवाटारस्थित ललिता निवास जग्गा प्रकरणको छानविनदेखि मुद्दा दायरसम्ममा कसैलाई विभेद नगरेको दाबी गरेको छ ।मन्त्रिपरिषद् बैठकको निर्णय सार्वजनिक गर्न आज सञ्चार तथा सूचना प्रविधि मन्त्रालयमा नियमित पत्रकार सम्मेलनमा मन्त्री गोकुल बाँस्कोटाले ललिता निवास जग्गा प्रकरणको छानविनमा ‘लाल फित्ताधारी र श्वेत फित्ताधारीको व्यवहार’ नगरेको दाबी गर्नुभयो ।कांग्रेस उपसभापति विजयकुमार गच्छदारमाथिको कारबाही पूर्वाग्रही भएको भन्दै कांग्रेस आन्दोलित बनेको बेला मन्त्री बाँस्कोटाले उनीमाथि विभेद नभएको दाबी पनि गर्नुभयो ।यहाँ लालफित्ताधारी र श्वेत फित्ताधारीको व्यवहार नभएको बताउँदै उहाँले कानुन प्रयोजनको कुरा रहेको स्पष्ट पार्नुभयो ।