नवलपरासी
नवलपरासीको रामग्राम नगरपालिकामा गुडिरहेको ट्याक्टर दुर्घटना हुँदा एकजनाको मृत्यु भएको छ।
रामग्राम नगरपालिका वडा नं ४ परासी महेशपुर भित्री सडक खण्डमा उत्तरबाट दक्षिणतर्फ जाँदै गरेको लु २ त २४६८ नं। को ट्रयाक्टर पल्टिँदा भारत उत्तर प्रदेशका अन्दाजी ३० वर्षीय अंगद कुर्मीको मृत्यु भएको हो।प्रदेश प्रहरी कार्यालय दाङका अनुसार दुर्घटनामा परेको ट्रयाक्टरले डण्डी बोकेको र सोही डण्डीले च्यापिएर गम्भीर घाइते भएका थिए।
उपचारको क्रममा जिल्ला अस्पताल परासीमा उनको मृत्यु भएको हो।
कुर्मीले परासीस्थित गणेश ट्रेडर्समा सामान लोड अनलोड गर्दै आएको प्रहरीले जनाएको छ।