बुटवल -लगातार परेको बर्षाले सिद्दार्थ राजमार्ग अन्तर्गत बुटवल- तानसेन सडक पुन अवरुद्द भएको छ । त्यससंगै लगातारको वर्षाले सिद्धवावा मन्दीर पनि पहिरोको जोखिममा परेको छ । रातभरको अविरल बर्षासंगै पहिरो गएपछि सिद्धवावा मन्दीर वरीपरीको भाग पहिरलोले पुरीएको छ ।
सडकखण्ड अन्तरगत सिद्धबाबा क्षेत्रका विभिन्न ठाउँमा तथा तानसेन नगरपालिकाको गौडे पुल नजिकै झरेको पहिरोले बाटो अवरुद्ध बनेको प्रदेश ५ ट्राफिक प्रहरी कार्यालय बुटवलले जानकारी दिएको छ । पहिरो हटाउन आज दिनभर लाग्ने ट्राफिक प्रहरीले जनाएको छ ।
असार २९ गतेदेखी बुटवल पाल्पा सडकखण्डका विभिन्न स्थानमा पहिरो जाँदा सडक सूचारु भएको केही समयमा अवरुद्ध हुँदै आएको छ । शुक्रबार राती तानसेन नगरपालिका–८ मा पर्ने गौडेपुल नजिकै पहिरो खस्दा लु १ क ११७५ नम्बरको ट्रक पुरिएको थियो । पहिरोले ट्रक पुुुरिए पनि कुनै मानविय क्षति भने भएको थिएन ।