सैनामैना

दलित संजाल सैनामैनाले नगरभित्रका ११ वटै वडामा संजालको आगामि कार्यदिशा सन्दर्भमा वडातहमा छलफल अन्तरक्रिया एबं सुझाव संकलन कार्यक्रम सुरू गरेको छ ।आज, मंगलबार वडा नं. १ र २ मा संयुक्त कार्यक्रम गरि सुरू गरिएको हो । संजाललाई दर्ता गरि दलित समुदायको हक अधिकार एबं नगरको बजेटमा दलितको पहुच बढाउनका लागि, संजालले तयार पारेको बिधान मस्यौदा प्रतिबेदन माथि छलफल एबं सुझाव संकलन अभियान चलाएको हो । आज पहिलो कार्यक्रम अन्तर्गत सैनामैनाको रानिबगियामा भएको वडा नं. १ र २ को संयुक्त कार्यक्रममा विभिन्न सुझाव संकलन गरिएको छ । कार्यक्रममा सो क्षेत्रका दलित अगुवा , समाजसेबि एबं बिभिन्न सामाजिक संस्थामा आवद्द दलित समुदायका व्यक्तिहरूले संजाललाई दिगो बनाउनका लागि सुझाव हरू दिए । उनिहरूले, अब जातिय आधारमा हुने बिभेद बिरूद्द तल्लो तहबाटै संगठित बन्दै समतामूलक समाज निर्माणमा अघि बढ्नुपर्ने बताए । सैनामैनामा दलित समुदाय एक भएर अघि बढ्नुपर्ने धारणा राख्दै संजाल स्थापना भएकोमा खुुसि व्यक्त गरे । कार्यक्रममा, समितिका सल्लाहकार नर बहादुर सुनार, एम बहादुर पटेल, दलित अगुवा सुरेस बिश्वकर्मा, दलित बिकाश समितिका पुर्ब अध्यक्ष खेम बहादुर बिक , बिधान मस्यौदा समितिका सदस्य जयलाल बिक, संजाल सदस्य सीता पटेल , दलित जनप्रतिनिधि हरू लगायतले बोलेका थिए । सो अबशरमा आएका लिखित सल्लाह सुझाव सहितको प्रतिबेदन वडा नं. २ का जनप्रतिनिधि कुल बहादुर बिकले अध्यक्ष बराललाई हस्तान्तरण गर्नुभयो । सो अबशरमा संजाललका अध्यक्ष सुरज बरालले संजाललाइ सैनामैनामा सकृय बनाइ दलित समुदायको हितमा काम गर्न सबैको सुझाव सल्लाह आवश्यक भएको बताउनुभयो । उहाले, संजालको स्थापना संगै सैनामैनाको प्रत्येक वडामा पुगि, सबैको सल्लाह परामर्शबाट सुझाव एबं अन्तरकृया मार्फत बलियो संगठन बनाइने बताउनुभयो । कार्यक्रम संस्थाका सचिब सुरेन्द्र परियारको संचालनमा भएको हो । वडातहको कार्यक्रम अन्तर्गत पर्सि , बिहिबार वडा नं ३ र ४ को संयुक्त अन्तरकृया हुनेछ ।