बुटवल ।
बुटवलको मुख्य राजमार्गमा भएका खाल्डाखुल्डीलाई मर्मत गर्न सुरुगरिएको छ । खाल्डाखुल्डीका कारण दुर्घटनाको सम्भावना बढाएको भन्दै आलोचना भएपछि सडक मर्मतको काम सुरु भएको छ ।
सडकमा भएका खाल्डाखुल्डी पुर्नका लागि आज रोलरको प्रयोग गरेर अस्पताल लाइनमा मर्मत सुरु गरिसकिएको बुटवल–बेलहिया व्यापारिक आयोजनाले जनाएको छ ।
बुटवल बेलहिया व्यापारिक आयोजनाकी सूचना अधिकारी शुभेच्छा सारुले चौराहदेखि गोलपार्कसम्म सडक निर्माणको ठेक्का पाएको ठेकेदारले नै सडक मर्मत गरेको बताउनुभयो ।
चौराहदेखि गोलपार्कसम्मको ८२ फुट कायम हुने सडक घरधनीहरूले अदालतमा मुद्दा हालेपछि रोकिएको छ । यस्तो अवस्थामा आयोजनाले केही सहयोग गरेपछि निर्माण कम्पनीले सडकको मर्मत सम्भार गरेको सूचना अधिकारी सारुको भनाइ छ ।