बुटवल-लायन्स क्लब अफ बुटवल मणिमुकुन्द र लियो क्लब अफ बुटवल मणिमुकुन्द क्लबले संयुक्त रुपमा अनाथहरुकालागि खाद्यान्न सहयोग गरेका छन । क्वलले सोमबार एक कार्यक्रमका बिच बालबालिकाहरुलाइ खाना तथा सरसफाईको लागि सहयोग पुरयाउने उद्येस्यले रामचन्द्र मैनादेवि अनाथ आश्रमलाई खाद्यान्न सहयोग गरेको हो ।

क्लबले चामल , नुन ,तेल , माक्स , सेनिटाईजर ,तथा सरसफाईका सामाग्री आश्रमका सञ्चालक मैनादेवि भण्डारीलाई हस्तानान्तरण गरेको हो । लायन्स क्लब अफ बुटवल मणिमुकुन्दका संस्थापक अध्यक्ष सुनिल प्रसाद ओझाले क्लबले संस्थापनकालदेखि नै निरन्तर सामाजिक क्षेत्रमा क्रियाशिल हुँदै आएको बताउँनुभयो । क्लबले वार्षिक कार्ययोजना नै बनाएर सामाजिक क्षेत्रमा काम गर्दै आएको उँहाले बताउँनुभयो ।

लायन्स क्लब अफ बुटवल मणिमुकुन्दका अध्यक्ष जे.बी. गुरुङ्गले बालबालिकलाई आश्रमबाट पाउने सुविधामा थप सहयोग मिलोस भन्दै खाद्यान्न तथा सरसफाईका सामाग्री प्रदान गरिएको बताउँनुभयो । क्लबले अन्य क्षेत्रमा समेत सहयोग गर्दै आएको उँहाले जानकारी दिँदै क्लबले वर्ष भरि गरिने कार्यक्रम तय गरेर काम गर्दै आएको बताउँनुभयो । २०५३ सालबाट सुरु भएको उक्त आश्रममा अहिले ११ जना बालबालिका रहेका छन ।