बुटवल
कोरोना भाईरस कोभिड १९ को महामारी समुदाय स्तरमै फैलिन थालेकोले यस वर्षको हरितालिका तीज घरमै बसेर सुरक्षित तरबरले मनाउन सार्बजनिक लेखा समिति सभापति भरत कुमार शाह ले आग्रह गर्नु भएको छ ।
नेपाली हिन्दु नारीहरुको महान पर्व तीज पर्वको अवसरमा शुभकामना सन्देश व्यक्त गर्दै सभापति शाह ले सामुहिक जमघट भन्दा घरमै सामान्य रुपमा तीज मनाउन आग्रह गर्नुभएको हो ।
वर्ष दिनमा एकपटक आउने यो पर्वमा चेलीबेटीहरु विशेषगरी माईतीमा भेला भएर पुराना साथीसंगीसँग आफ्ना पीर व्यथा विसाउने पर्व भएपनि यस वर्ष कोभिड १९ को महामारीले सारा विश्व नै आक्रान्त बनाएकोले स्वस्थ र सुरक्षित भएर तीज मनाउनुपर्ने अवस्था रहेको उहाँले बताउनुभएको छ ।
एक व्यक्तिबाट अर्को व्यक्तिमा सर्ने भाईरस भएका कारण जमघट तथा सामुहिक नाचगान गर्ने अवस्था नभएकोले घरपरिवारमै स्वास्थ्य सुरक्षा अपनाएर तीज मनाउन उहाँले आग्रह गर्नुभयो । कोरोना भाईरसको महामारी नियन्त्रण तथा रोकथामका लागि घर मै सुरक्षित भएर बस्न सभापति शाह ले अपिल गर्नुभएको छ।