बुटवल-विश्वमा मृत्यु हुने कोरोना भाइरस संक्रमितको संख्या नौ लाख नाघेको छ ।

पछिल्लो २४ घण्टामा चार हजार दुई सय १७ जनाको ज्यान गएसँगै मृत्यु हुने संक्रमितको संख्या नौ लाख सात सय ७३ पुगेको हो । विश्वमा हालसम्म कोरोना भाइरसबाट संक्रमित हुनेको संख्या दुई करोड ७७ लाख १८ हजार एक सय ३८ पुगेको छ । एकै दिन दुई लाख ३७ हजार ८५ संक्रमित थपिए ।

एक करोड ९८ लाख तीन हजार छ सय ३३ जना संक्रमित उपचारपछि घर फर्किएका छन् । ७० लाख १३ हजार सात सय ३२ जना उपचाररत रहेकोमा ६० हजार तीन सय चार जनाको अवस्था गम्भीर छ ।

विश्वमा कोरोनाबाट सबैभन्दा बढी प्रभावित अमेरिकामा हालसम्म एक लाख ९३ हजार नौ सय ५५ जना संक्रमितको मृत्यु भइसकेको छ । एकै दिन चार सय २१ जनाले ज्यान गुमाए । हालसम्म ६५ लाख ११ हजार पाँच सय ३७ जनामा संक्रमण पुष्टि भएको छ ।

३७ लाख ८७ हजार पाँच सय ७३ जना उपचारपछि घर फर्किएका छन् । २५ लाख ३० हजार नौ जना उपचाररत रहेकोमा १४ हजार पाँच सय ४१ जनाको अवस्था गम्भीर छ ।

पछिल्लो समय विश्वमै संक्रमण दर उच्च रहेको छिमेकी मुलुक भारतमा ७३ हजार नौ सय २३ संक्रमितले ज्यान गुमाइसकेका छन् । पछिल्लो २४ घण्टामा एक हजार एक सय सात जनाको मृत्यु भयो । ४३ लाख ६७ हजार चार सय ३६ जनामा संक्रमण पुष्टि भइसकेको छ । एकै दिन ८९ हजार आठ सय ५२ जना नयाँ संक्रमित थपिए ।

भारतमा संक्रमण पुष्टि भएकामध्ये ३३ लाख ९६ हजार २७ जना कोरोना जित्न सफल भएका छन् । आठ लाख ९७ हजार चार सय ८६ जना उपचाररत रहेकोमा आठ हजार नौ सय ४४ जनाकोव अवस्था चिन्ताजनक छ ।

ब्राजिलमा हालसम्म एक लाख २७ हजार पाँच सय १७ जना संक्रमितको मृत्यु भइसकेको छ । पछिल्लो २४ घण्टामा पाँच सय १६ जनाको मृत्यु भयो । हालसम्म ४१ लाख ६५ हजार एक सय २४ जनामा संक्रमण पुष्टि भइसकेको छ ।

३३ लाख ९७ हजार दुई सय ३४ जना उपचारपछि घर फर्किएका छन् । छ लाख ४० हजार तीन सय ७३ जना उपचाररत रहेकोमा आठ हजार तीन सय १८ जनाको अवस्था गम्भीर छ ।