बुटवल -नेपाल रेडक्रस सोसाइटी रूपन्देही जिल्ला शाखा र जु.रे.स.मदरल्याण्ड ईङ्ग्लिस स्कुलको सहयोग तथा मणिमुकुन्द उपशाखा बुटवलको आतिथ्यमा बुटवल उपमहानगरपालिका वडा नं. १७ रानिगन्जमा तिनाउ नदिमा आएको बाढीले घरबार बगाई पिडित भएका ६ घर परिवारलाई राहत वितरण एक कार्यक्रम गरि सम्पन्न भएकाे छ ।
कार्यक्रम ने रे साे मणिमुकन्द उपशाखाका अध्यक्ष सुहा बहादुर नेपालीकाे अध्यक्षता, बुटवल उपमहानगरपालिका वडा नं. १७का वडा अध्यक्ष सन्त बहादुर राना ज्युको प्रमुख आतिथ्यतामा सम्पन्न भयाे । राहत सामाग्रीहरुमा १थान पाल, २ थान कम्मल, १ थान बाल्टी , १ सेट खाने पकाउने भाडाकुँडा, लत्ता कपडा , चामल ५ केजी , दाल १ केजी , नुन १ केजी , मस्याैरा १ पाेका , आलु २ केजी , तेल १ पाेका , साबुन नुहाउने लुगाधुने १/१ थान प्रति परिवारका दरले वितरण भएकाे छ।
बुटवल उपमहानगरपालिका वडा नं १७ का अध्यक्ष सन्त बहादुर रानाले रेडक्रस र मदरल्याण्ड ईङ्ग्लिस स्कुलमा गठित युवा रेडक्रस सर्कलकाे सहयाेगकाे प्रसंसा गर्दै आफुले पनि रेडक्रसका गतिविधिमा सहयाेग गर्ने प्रतिबद्धता जनाउनु भयाे।
कार्यक्रममा मदरल्याण्ड ईङ्ग्लिस स्कुलका प्राचार्य मणिरत्न भण्डारी , ने रे साे विपत व्यवस्थापन समिति रुपन्देहीका सदस्य हरिहर श्रेष्ठ, समाजसेवी रीता सेन लगायतले मन्तव्य राख्नु भएकाे थियाे । कार्यक्रममा मदरल्याण्ड ईङ्ग्लिस स्कुलका शिक्षक नायक, सह शिक्षक नायक ,विद्यार्थी , समाज सेवी, मणिमुकुन्द शाखाका रेडक्रस कर्मीहरु र टोल बिकास सस्थाका सदस्यहरुको उपस्थिति रहेकाे थियाे भने कार्यक्रमकाे संचालन माया पाण्डेले गर्नु भएकाे थियाे ।
प्रतिक्रिया दिनुहोस्