नेपालमा सोमबार थप २४ सय ४० जना कोरोना भाइरस (कोभिड–१९) संक्रमित थपिएका छन् ।

स्वास्थ्य तथा जनसंख्या मन्त्रालयले विभिन्न प्रयोगशालामा गरिएको १३ हजार ७८१ जनाको परीक्षणमा थप २४ सय ४० जनामा कोरोना संक्रमण पुष्टि भएको जानकारी दिएको छ ।

यससँगै कोरोना संक्रमितको संख्या ८९ हजार २६३ पुगेको छ, जसमध्ये सक्रिय संक्रमितको संख्या २३ हजार ५०७ रहेको छ ।

यता, नेपालमा कोरोनामुक्त हुनेको संख्या ६५ हजार २०२ पुगेको छ । पछिल्लो २४ घण्टामा थप ११ सय ३३ जना कोरोनालाई जितेर घर फर्किएका छन् ।

सोमबार थप १९ जनाकाे मृत्यु भएसँगै कोरोनाबाट ज्यान गुमाउनेकाे संख्या ५५४ पुगेकाे छ ।