सैनाममैना

नेपाल निर्माण तथा सम्बद्ध श्रमिक संघ सैनामैनामा आठौ साधारण सभा तथा चौथो अधिबेशन एक कार्यक्रमका बिच सम्पन्न भएको छ । सैनामैना ३ स्थित संघको कार्यालयमा आज सनिवार सम्पन्न अधिबेशनबाट पुन धर्म (पितम्बर) न्यौपानेको अध्यक्षतामा ११ सदस्य कार्य समिति चयन भएको छ ।जसको उपाध्यक्षमा नाथु चौधरी, महिला उपाध्यक्षमा देवकी थारु, कोषाध्यक्षमा बुद्धिराम कुमाल रहेका छन भने खेम नारायण तिवारी, कृष्ण दंगोरीया, महादेव दंगोरयिा, डिल बहादुर नेपाली र मोनिलाल मल्लाह रहेका छन ।

कार्यक्रममा नेपाल निर्माण तथा सम्बद्ध श्रमिक संघका केन्द्रिय बरिष्ठ उपाध्यक्ष तथा टे«ड यूनियनका का.वा अध्यक्ष ओम प्रकाश चौधरीले “सम्पुर्ण श्रमिकहरु संघमा आवद्ध भई आफ्नो हक अधिकार लिनु पर्ने बताए ।”नव निर्वाचित समितिलाई बधाई तथा शुभकामना ब्यक्त गर्दै प्रमुख अतिथि समेत रहेका चौधरीले नया कार्य समितिले सम्पुर्ण श्रमिकको समस्यालाई सम्बोधन गर्दै अगाडी बढ्ने बिश्वास ब्यक्त गरे ।

नवनिर्वाचित अध्यक्ष धर्म न्यौपाने “सम्पुर्ण श्रमिकको समस्या पहिचान गरी सम्बोधन गर्दै अगाडी बढ्ने प्रतिबद्धा ब्यक्त गरे ।” श्रमिकमा कुनै समस्या, पिरमर्का भए सैनामैना स्थित संघको कार्यालय वा सिदै आफु समक्ष ल्याउन समेत अध्यक्ष न्यौपानेको आग्रह थियो ।

कार्यक्रममा नेपाल निर्माण तथा सम्बद्ध श्रमिक संघका केन्द्रिय सदस्य नारायण सुनार, नेपाल निर्माण तथा सम्बद्ध श्रमिक संघ रुपन्देहीका जिल्ला अध्यक्ष बिर बहादुर लामा लगायतले श्रमिकका बिषयमा बोलेका थिए । कार्यक्रममा संघको बिभिन्न उप समितिमा रहेर योगदान पुर्याएका २९ जनालाई सम्मान गरिएको थियो । दयाराम मल्लाहको स्वागत, संघका सचिव त्रिवेणी चौधरीको संचालनमा सम्पन्न भएको थियो ।