बुटवल
१११ औं अन्तर्राष्ट्रिय नारी दिवस नेपालमा ‘महिलाको सुरक्षा, सम्मान र रोजगार, समृद्ध नेपालको आधार’ भन्ने नारासहित आज विभिन्न कार्यक्रम गरी मनाइएको छ । यसै अवसर पारेर सिद्धार्थ महिला तथा बाल अस्पताल आम्दा दिपनगरमा रहेका सुत्केरी महिलाहरुलाई कांग्रेसको भातृ संस्था नेपाल महिला संघ रुपन्देहीले सुत्केरी महिलाहरुलाई फलफुल र हर्लिक्स वितरण गरेको छ ।दिवसको अवसरमा एक कार्यक्रमको आयोजना गरि सुत्केरी महिलालाई फलफुल र हर्लिक्स वितरण गरिएको महिला संघ रुपन्देही सभापति गंगा शाहीले बताउनुभयो।
नेपाली कांग्रेस रुपन्देही जिल्ला सभापति अब्दुल रज्जाकको प्रमुख आतिथ्यतामा भएको कार्यक्रममा जिल्ला सचिव रामकृष्ण खाण, सिद्धार्थ महिला तथा बाल अस्पतालका मेडिकल सुपरिटेन्डेड डा. रामप्रसाद बस्याल, लुम्बिनि प्रदेश सभा सदस्य रमा अर्याल, पुष्पा थरुनी, कांग्रेस नेता युवराज गिरी लगायतको उपस्थिति रहेको थियो ।
महिला संघ रुपन्देही सभापति गंगा शाहीको अध्यक्षता, राधा ज्ञवालीको स्वागत र रिता सेन ओलीको सन्चालनमा कार्यक्रम सम्पन्न भएको थियो ।